Jambylda esirtkimen aınalysqan qylmystyq top ustaldy

TARAZ. QazAqparat - Jambyl oblysynda aýqymdy arnaıy operatsııa barysynda esirtki ótkizýmen aınalysqan qylmystyq toptyń 6 qatysýshysy bir ýaqytta ustaldy, dep habarlaıdy QazAqparat ІІM-ne silteme jasap.

Jambyl oblysynyń Polıtsııa departamenti men prokýratýrasy birlesip, óńirde asa iri mólsherde «geroın» esirtki zatyn ótkizýmen aınalysatyn ultaralyq qylmystyq topqa qatysty aýqymdy arnaıy operatsııa júrgizdi.

2022 jylǵy 30 qarashada qylmystyq toptyń 6 qatysýshysyn bir mezgilde ustadjy. Tintý sharalary barysynda ustalǵandardan 1 keli 280 gramm «geroın» esirtkisi, sondaı-aq «gashısh» esirtki zaty, «keptirilgen marıhýana» jáne sıntetıkalyq esirtki tárkilendi.

Atalǵan derek boıynsha QK 297-baby 3-bóligimen sotqa deıingi tergeý amaldary bastaldy. Barlyq ustalǵandar ýaqytsha ustaý ızolıatoryna qamaqqa alyndy.

Foto: t.me/POLICE_of_KZ