Jambylda buǵan deıin belgisiz bolǵan 8 batyrdyń esimi anyqtaldy

TARAZ. QazAqparat – Sovet Odaǵynyń Batyry ataǵyna usynylǵan, biraq túrli sebeptermen dál sol marapat berilmegen, esimderi buryndary bizge belgisiz bolǵan 8 jambyldyqtyń esimi anyqtaldy, dep habarlaıdy QazAqparat tilshisi.

Bul týraly oblystyq memlekettik arhıviniń qyzmetkerleri habarlady.

Sovet Odaǵynyń Batyry ataǵyna usynylǵan, biraq túrli sebeptermen dál sol marapat berilmegen, esimderi buryndary bizge belgisiz bolǵan 8 jambyldyq bar.

Olar:

Alıshev Shahan – Shý aýdany, Tóle bı aýylynyń týmasy;

Kargýlın Abdýrahman Mýhamedjanovıch – Jambyl aýdandyq áskerı bóliminen shaqyrylǵan;

Mamatalıev Sýltan – Jambyl aýdandyq áskerı bóliminen shaqyrylǵan;

Ramazanov Tashan – Jambyl aýdandyq áskerı bóliminen shaqyrylǵan, urpaqtary Merki aýdanynda turǵany týraly derek bar;

Djıenbaev Ýmbetkýl – Baızaq aýdany, Aqjar aýylynyń týmasy;

Aıtkýlov Mýsabek – Shý aýdandyq áskerı bóliminen shaqyrylǵan;

Ýmıkeev Ýrgalbaı – Qordaı aýdandyq áskerı bóliminen shaqyrylǵan;

Iskakov Sýltanbaı – Shý aýdany, Lenın kolhozynyń týmasy;

Bul 8 maıdangerdiń esimi Taraz qalasyndaǵy «Jeńis» saıabaǵyndaǵy «Erlik» memorıaldyq kesheninde bar. Olardyń 4-eýi týraly derekterdi qazirgi tańda arhıv óz qujattary boıynsha jınap ta qoısa, 3 maıdangerdiń sýreti de anyqtalypty. Alaıda, áli de derekteri anyqtalmaǵan 4 maıdanger bar eken.

«Arhıv qyzmetkerleri jambyldyq maıdangerlerdiń tizimin jasaý, «EErlik.kz aqparattyq saıtyna derekterin engizýdi 2018 jyldan beri, al ekinshi dúnıejúzilik soǵysy taqyrybyndaǵy zertteý jumystaryn 2012 jyldan beri júrgizip keledi. Qazirgi tańda biz joǵaryda esimderi atalǵan maıdangerlerdiń taǵdyryn anyqtaý maqsatymen urpaqtaryn izdestirýdemiz. Jalpy Qazaqstan boıynsha mundaı 133 maıdangerdiń esimin «Nur Otan» partııasynyń «Ardagerlerdi ardaqtaıyq» partııalyq jobasy aıasynda qoǵam qaıratkeri Berik Ábdiǵalıuly anyqtaǵan»,-delingen Jambyl oblystyq memlekettik arhıviniń habarlamasynda.