Jambylda boryshkerlerden 11 mln teńgeden astam bereshek óndirildi

TARAZ. QazAqparat – Jambyldyq polıtseıler 24-26 qyrkúıek aralyǵynda oblys aýmaǵynda «Boryshker» jedel-aldyn alý is-sharasyn ótkizdi, dep habarlaıdy QazAqparat tilshisi.

Іs-shara ákimshilik aıyppul salý týraly qaýlylardy oryndaý, ıaǵnı ishki ister organdarynyń qyzmetkerleri salǵan ákimshilik aıyppuldardy barynsha óndirip alýdy kózdegen.

«Aldyn alý is-sharasynyń birinshi kúni sot oryndaýshylarynyń qaýlysy boıynsha mamandandyrylǵan turaqqa 83 boryshkerdiń kóligi jetkizildi. Taraz qalasynyń polıtsııa basqarmasy qyzmetkerleri qaladaǵy 737 boryshkerdiń meken-jaıyna aralap shyqty», - delingen vedomstvo habarlamasynda.

Sondaı-aq, is-sharanyń ekinshi kúnin bıylǵy 904 ákimshilik materıal boıynsha óndirip alynǵan soma 8,5 mıllıon teńgeni qurap, jalpy óndirilgen soma 11 mıllıon teńgeden asty.