Jambylda bir kúnde 12 oqýshy Pfizer vaktsınasyn saldyrdy

TARAZ. QazAqparat – Tarazda 12-17 jas aralyǵyndaǵy jasóspirimderdi, sondaı-aq júkti jáne bala emizetin áıelderdi Pfizer Comirnaty preparatymen vaktsınalaý naýqany bastaldy. Vaktsınalaý pýnkti № 5 qalalyq emhanasynda ornalasqan, - dep habarlaıdy QazAqparat tilshisi.

Pfizer vaktsınasyn alǵashqylardyń biri bolyp №42 mekteptiń 11- synyp oqýshysy Nıkolaı ıÝrkın qabyldady. Balasyn ekpe salǵyzýǵa ákelgen Natalıa Markova vaktsınatsııaǵa qatysty pikirin bildirdi.

- «Spýtnık V» vaktsınasyn 21 jastaǵy úlken ulym aldy, eshqandaı janama áserler bolǵan joq. Sondyqtan kishi ulymdy vaktsınalaý týraly másele týyndaǵan kezde, biz birden kelistik. Mektepte bizge Pfizer vaktsınasy týraly egjeı-tegjeıli aıtyldy, onyń koronavırýstan senimdi qorǵanys ekendigine kúmánimiz joq. Árıne, men Ana bolǵandyqtan, ýaıymdadym, túni boıy uıyqtamadym, biraq búgin kelip, ekpe aldyq. Endi 21 kúnnen keıin vaktsınatsııanyń ekinshisin alamyz,-dedi ol.

Vaktsınatsııadan buryn dárigerler oqýshylarǵa medıtsınalyq tekserý júrgizip, Pfizer vaktsınasy týraly aqparat berdi, ata-analardy tolǵandyryp júrgen birqatar suraqtarǵa jaýaptar da berildi. Protsedýradan keıin vaktsınatsııalanǵandar jarty saǵat boıy baqylaýda boldy. Barlyǵynyń densaýlyq jaǵdaıy jaqsy, asqyný bolǵan joq.

Naýqannyń birinshi kúni 12 oqýshy vaktsınatsııalanyp, 2 Komırnatı ampýlasy qoldanyldy. Bir vaktsına 6 adamǵa arnalǵan.