Jambylda bes partııanyń fılıaly tarapynan 523 kandıdat tirkeldi

TARAZ. Qazaqparat – Jambyl oblystyq saılaý komıssııasyna 5 partııanyń fılıalynan 523 kandıdattyń tizimi usynylyp, tolyq tirkelgen. Olar 206 mandattyq oryn úshin saıası synǵa túspek. Bul týraly Jambyl oblystyq aýmaqtyq saılaý komıssııasynyń tóraǵasy Serǵalı Aıdapkelov ÓKQ aqparat alańynda ótken baspasóz brıfıngisinde aıtty, dep habarlaıdy QazAqparat tilshisi.

1 jeltoqsandaǵy jaǵdaı boıynsha óńirdegi saılaýshylardyń naqty sany 720 365 adamdy quraǵan. Al, oblys halqynyń sany 1 mıllıon 136,9 myń adam ekenin eskersek, halyq qalaýlylaryna tańdaý jasaıtyndardyń qarasy qalyń degen sóz.

«Bes partııanyń tizimine keler bolsaq, olardyń barlyǵy óz úmitkerlerin 100 paıyz tirkedi. Aıtalyq, «Nur Otan» 390 , «Aýyl» 44, «Aq jol» 44, «ADAL» — 31 jáne «Qazaqstannyń halyq partııasy» 14 kandıdatyn tirkedi. Onyń ishinde áıelder men 29 jasqa deıingi jastar sany – 229», — dedi S. Aıdapkelov.

Jalpy, partııalyq tizimderge engen erler sany 345, áıelder sany – 178. Al, 29 jasqa tolmaǵan kandıdattar sany 96 adam. Olardyń ishinde qazaqtar 94,8 paıyz, orystar 0,95 paıyz, basqa ulttar 4,2 paıyzdy quraıdy.

Aıta keteıik, tirkelgen saıası partııalar úshin, 10 jeltoqsannyń saǵat 18.00-den bastap úgit nasıhat naýqany bastaldy. Bul naýqanda osy partııalardyń senimdi ókilderi men tizimge engen kandıdattary óz jumystaryn júrgizetin bolady.

Spıker úgit-nasıhat jumystary Saılaý týraly Konstıtýtsııalyq zańmen tıym salynbaǵan tásilder boıynsha atqarylýy tıis ekenin eskertti.

«Oblys boıynsha aýdandar men Taraz qalasy ákimderimen belgilengen 223 kezdesý orny bar, onyń 33-i oblys ortalyǵynda, 190-y aýdandarda. Sonymen qatar, aımaqta 297 úgit-nasıhat quraldaryna arnalǵan oryndar aıqyndalǵan, onyń 39-y oblys ortalyǵynda, 258-i aýdandarda belgilengen»,-dedi aýmaqtyq saılaý komıssııasynyń tóraǵasy.