Jambylda alǵash ret álemde sırek kezdesetin aýrýǵa shaldyqqan sábıge ota jasaldy

TARAZ. QazAqparat - Jambyl oblysynda alǵash ret ókpe tamyrlarynyń qosylýynyń ishinara anomalııasy bar 6 aılyq nárestege kúrdeli ota jasaldy, dep habarlaıdy QazAqparat.

Óńirdegi densaýlyq saqtaý basqarmasynan málim etkendeı, qarynshalyq septaldy aqaýy bar ókpe atrezııasy taldaýymen týǵan sábı Taraz qalasynda dárigerlerdiń jiti baqylaýymen dúnıege kelgen. Týa bitken júrek aqaýynyń ishindegi óte sırek kezdesetin túrimen dúnıege kelgen nárestege ota jasaǵan belorýssııalyq kardıohırýrg mundaı aýrý túrimen, kóbine, balalar aýyratyndyǵyn jáne ol der kezinde anyqtalyp, hırýrgııalyq aralasýmen emdelse, jazylyp ketýge múmkindiktiń bar ekendigin aıtty.

Álemde osyndaı aqaýmen barlyǵy 54 jaǵdaı tirkelgen.

Jambyl oblysynda mundaı hırýrgııalyq ota alǵash ret jasalyp otyr. Aldaǵy ýaqytta shet eldik dárigerlerdiń tájirıbesin áýlıeatalyq kardıohırýrgter óz jumystarynda paıdalanbaq.