Jambylda AÁK alǵandar arasynda 5 myńnan astam jeke kásipker bolǵan
AÁK alǵan jeke kásipkerler ishinde 259 kásipker kásibin ataýly áleýmettik kómek ala salyp toqtatqany anyqtalǵan. Alaıda bul kásipkerlerdiń tizimi oblystyq memlekettik kirister departamentine joldanǵan. Qazirgi kezde tabysy jaıly jalǵan aqparat berýshilermen kúres júrgizilýde.
Jambyl oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Tımýrjan Nurymbetovtiń aıtýynsha, búginde óńirde 37 149 otbasyna, ıaǵnı 164 559 adamǵa 12,3 mıllıard teńge kóleminde jańa formattaǵy ataýly áleýmettik kómek berilgen.
«Bul maqsatqa jyl sońyna deıin barlyǵy 21,3 mıllıard teńge qarastyrylǵan. Onyń ishinde respýblıkalyq bıýdjetten 20 mıllıard teńge, jergilikti bıýdjetten 1,3 mıllıard teńge bólinedi. Qazirgi ýaqytta 253 679 adamnan 47 418 ótinish qabyldandy. Bul – jalpy halyq sanynyń 22,5 paıyzyn quraıdy», - deıdi basqarma basshysy Tımýrjan Nurymbetov.
Onyń aıtýynsha, ýaqyt óte kele jalǵan aqparat berip járdemaqy alǵanjar anyqtala bastaǵan.
«Ataýly áleýmettik kómek taǵaıyndaýdyń oblystaǵy dınamıkasyna qarasaq, járdemaqy alǵan otbasylar sany sáýir aıynda 8 550, mamyr aıynda 10 568-di qurasa, maýsym aıynda qaıtadan 5 565 otbasyna azaıdy. ıAǵnı, ýaqyt óte kele jalǵan aqparat bergender anyqtala bastaǵan. Endi ataýly áleýmettik kómekti shyn máninde kimder alady degen saýalǵa toqtalsaq. 1 qazannan bastap, qujattaryn tapsyratyn azamattardyń ishinen jan basyna shaqqandaǵy tabysy 18 203 teńgeden aspaıtyndar ǵana qaralady», - deıdi Tımýrjan Nurymbetov.