Jambylda 8 adam qarýly qaqtyǵys uıymdastyrǵan
10:59, 15 Qyrkúıek 2022
TARAZ. QazAqparat - Jambyldyq polıtseıler qarýly qaqtyǵysqa qatysqan 8 adamdy ustady, dep habarlaıdy Polisia.kz.
Oqıǵa Jambyl aýdanynda 30-43 jas aralyǵyndaǵy bir top adam jergilikti janarmaı quıý beketi aýmaǵynda ózara kelispeýshilikterin anyqtamaqshy bolǵan. Aqparat boıynsha oqıǵa ornyna jedel túrde Jambyl oblysy PD Uıymdasqan qylmysqa qarsy kúres basqarmasy qyzmetkerleri keldi.
Janar-jaǵarmaı beketteriniń aýmaǵy qorshalyp, qaqtyǵys taraptary ustalynyp, tintý jumystary júrgizildi. Qabyldanǵan sharalar nátıjesinde ustalǵandardan ańshylyq qarýy tárkilendi. Tergeý barysynda oqıǵaǵa qatysty 8 adam ustaldy.