Jambylda 442 mektepte ótken ashyq sabaqta Elbasy eńbekteri dáripteldi
QR Tuńǵysh Prezıdenti kúnine oraı Jambyl oblysyndaǵy mektepterde jalpy respýblıkalyq ashyq sabaq ótti. Oǵan aımaqtaǵy 442 bilim ordasy qatysty. Іs-shara óskeleń urpaqtyń boıyna Otanǵa degen súıispenshilik, patrıottyq sezim qundylyqtaryn darytý, ulttyq sana-sezimdi qalyptastyrý maqsatyna negizdeldi. Ashyq sabaqtarda oqýshylarǵa táýelsiz memleket qurýdaǵy Elbasynyń róli, elimizdiń Táýelsizdik jyldarynda qol jetkizgen jetistikteri aıtyldy.
Ár mektep-gımnazııalarda ótken sabaqtarǵa «Kazfosfat» JShS dırektory, QR Eńbek eri, Jambyl oblysynyń qurmetti kazamaty Muqash Eskendirov, júzýden QR sport sheberi Zýlfııa Gabıdýllına, Qazaqstannyń eńbek sińirgen qaıratkeri Meırambek Tólepbergen, «Asyl arman» qoǵamdyq birlestiginiń tóraǵasy Rınat Nuraqbaev, «Jas Otan» jastar qatany oblystyq fılıalynyń basshysy Ýálıhan Bolatbek qatysty.
Taraz qalasyndaǵy nomeri 30-mektep-gımnazııasynda ótken ashyq sabaq áńgimelesý formatynda uıymdastyryldy. Onda Elbasy Nursultan Nazarbaevtyń kezindegi qyzmeti týraly qalam terbegen qoǵam qaıratkeri Meırambek Tólepbergen oqýshylarǵa elimizdiń Táýelsizdik jyldaryndaǵy jetistikteri men Elbasynyń el damýyna qosqan úlesi týraly aıtyp berdi.
«Egemen Qazaqstan» gazetinde jýrnalıst bolyp júrgende Elbasymen kóptegen issaparda birge boldym. Sol kezderde ásirese shetelde bizdiń Prezıdenttiń erekshe bedelge ıe ekeninine talaı kýá boldym. Sondaı-aq ár aımaqty aralaǵan kezde Elbasy Qazaqstan osy oblystaryndaǵy árbir azamatty, dıqandy da, shaǵyn bızneste júrgen azamatty nemese myqty isker azamattyń barlyǵyn tanıdy. Bul degen sóz týǵan eliniń barlyq azamatyna ózi sııaqty qaraıtynyn bildiredi»,-dedi M.Tólepbergen.