Jambyl júk tasymalynyń bastyǵy 800 myń teńge para aldy dep aıyptaldy
10:55, 06 Jeltoqsan 2021
TARAZ. QazAqparat - Jambyl oblysynda júk tasymalymen aınalysatyn mekemeniń bastyǵy paramen ustaldy, dep habarlaıdy QazAqparat.
Bul jaıynda QR Sybaılas jemqorlyqqa qarsy is-qımyl agenttiginiń baspasóz qyzmeti málimet taratty.
Oǵan sensek, vedomstvonyń Jambyl oblysy boıynsha departamenti Ulttyq qaýipsizidk komıtetiniń óńirlik departamentimen birlesip jedel is-shara ótkizgen.
Onyń aıasynda 800 myń teńge kóleminde para alǵan «Jambyl júk tasymaly bólimshesi» JShS «QTJ - Júk tasymaly» fılıalynyń bastyǵy áshkerelengen.
Atalǵan laýazymdy tulǵa qabyldanǵan jyldyq esepterdi oń qaraǵany jáne odan ári qamqorlyǵy úshin aqshalaı qarajat alǵan.
«Ózge aqparat jarııalaýǵa jatpaıdy. Tergeý jalǵasyp jatyr» deıdi agenttikten.