Jambyl jáne Ándijan oblystarynyń sharýalary tájirıbe almasýda
Bul týraly Tashkenttegi Ózbek-Qazaqstan Іskerlik keńesiniń otyrysynda Jambyl oblysy Kásipkerler palatasynyń dırektory Oljas Qarjaýov málimdedi,-dep habarlaıdy QazAqparat tilshisi.
Atalmysh basqosýda Oljas Qarjaýov sońǵy jyldary Ózbekstandaǵy mal sharýashylyǵynyń belsendi damyp kele jatqanyn, soǵan qaraı mal azyǵyna degen suranystyń da artqanyn tilge tıek etti.
«Jambyldaǵy «Good zhem» JShS qurama jáne kontsentratsııalanǵan jem-shóp óndiretin eń iri kásiporyndardyń biri desek, ondaǵy óndirilgen ónimniń 74 paıyzy Ózbekstanǵa eksporttalady. Bul úsh myń tonnadan astam ónimdi quraıdy. Osy oraıda men jem-shóp óńdeıtin birlesken kásiporyndar qurýdy usynamyn»,-dedi O.Qarjaýov.
Sondaı-aq, Ózbekstanyń jemis-kókónis jáne baqsha daqyldaryn ósirý boıynsha baı tájirıbesin atap ótken palata dırektory Jambyl jáne Ándijan oblystarynyń sharýalarymen ózara tıimdi tájirıbe almasý boıynsha jumystyń jolǵa qoıylǵanyn málimdedi.
Buǵan deıin Jambyl oblysy aýmaǵynda pıtomnıkter júrgizý maqsatynda anar, badam, júzim jáne lımon sııaqty joǵary marjınaldyq daqyldardyń kóshetterin jetkizý boıynsha ýaǵdalastyq ornatylǵan bolatyn.
Óz kezeginde, Ózbekstannyń saýda-ónerkásip palatasynyń tóraǵasy Adham Ikramov birlesken jobalardy qurýǵa qyzyǵýshylyq tanytyp, olardy júzege asyrý úshin barlyq josparly jumystar barysy zerdelenetin jetkizdi. Ol týraly aldaǵy kezdesýlerde egjeı-tegjeıli talqylaýdy usyndy.