Jambyl Jabaevtyń túrik tilindegi kitaby shyqty
Jınaq jyraýdyń 175 jyldyq mereıtoıyna oraı Túrkisoı halyqaralyq túrki mádenıeti uıymynyń qoldaýymen basylyp shyqty. Kitaptyń saltanatty tusaýkeser rásimine ult zııalylary, Túrkisoı uıymynyń ókilderi men aqyn urpaqtary qatysty. Kitapqa Jambyl Jabaevtyń óleńderi men taldamalary túrik tiline aýdarylyp jınaqtalǵan. Sondaı-aq, keı sózderdiń qazaqsha balamasy berilgen. Aldaǵy ýaqytta mereıtoı aıasynda Jambyl álemi atty 30 tomdyq kitaby jaryq kórip, Túrkııa elinde jyr alybynyń shyǵarmashylyǵyna arnalǵan halyqaralyq konferentsııa uıymdastyrylmaq.
«Bul Túrik álemine Jambyl esiminiń, Jambyl shyǵarmalarynyń keńinen taraı berýine, túriktiń ortaq, búkil túrik jurtyna, dúnıesine ortaq uly tulǵa retinde tanylýyna óziniń úlken úlesin qosady dep esepteımiz», - dedi Qazaqstan jazýshylar Odaǵy basqarmasynyń tóraǵasy Ulyqbek Esdáýlet.