Jambyl Jabaevtyń 175 jyldyǵyna arnalǵan respýblıkalyq baıqaý ótti

ALMATY. QazAqparat – Almaty qalasynda «Uly dalanyń ultaralyq tili» respýblıkalyq forýmy aıasynda qazaq halqynyń kórnekti aqyny J. Jabaevtyń týǵanyna 175 jyl tolýyna oraı «Jambyl Jabaev - Uly dala abyzy» atty respýblıkalyq baıqaý ótti. Memlekettik tildi damytýǵa baǵyttalǵan jáne Qazaqstan Respýblıkasynyń Táýelsizdik kúnine arnalǵan baıqaý Aqparat jáne qoǵamdyq damý mınıstrliginiń qoldaýymen uıymdastyryldy, dep habarlaıdy QazAqparat.

Qazylar alqasynyń quramynda ál-Farabı atyndaǵy QazUÝ professory Ó. Ábdimanov, qoǵam qaıratkeri, jazýshy N. Qapalbekuly, telejýrnalıst, Halyqaralyq bıznes ýnıversıtetiniń oqytýshysy, «tehnıka jáne sóıleý mádenıeti» ınnovatsııalyq ádisiniń avtory T. Saıdýova, J. Jabaevtyń nemeresi, J. Jabaev atyndaǵy Ádebı-memorıaldyq murajaıdyń jetekshisi S. Jambylova, qoǵam qaıratkeri, jazýshy, Qazaqstan halqy Assambleıasynyń múshesi Q. Álpeıisova boldy.

Baıqaýǵa qatysýshylar úsh nomınatsııa boıynsha óner kórsetti: «Jambyl Jabaevty oqı otyryp...», «Jambyl Jabaevqa hat», «Jambyl Jabaevtyń shyǵarmashylyǵy sýretter arqyly».

Qazylar alqasynyń sheshimimen І oryndy – Aqmola oblysynyń orys etnomádenı birlestiginiń ókili V. Kleptsova, ІІ oryndy – Túrkistan oblysynyń tájik etnomádenı birlestiginiń ókili N. Tashmetova, ІІІ oryndy – Aqtóbe oblysynyń ýkraın ulttyq-mádenı ortalyǵynyń ókili K. Klımenko jeńip aldy.