Jambyl Jabaev - 175: Kıevte poezııa oqýlary ótti

KIEV. QazAqparat - Ýkraına astanasy Kıevte qazaq aqyny Jambyl Jabaevtyń 175 jyldyq mereıtoıy qarsańynda poezııa oqýlary ótti, dep habarlaıdy QazAqparat.

Bul jaıynda Qazaqstannyń Ýkraınadaǵy elshiligi Facebook paraqshasynda málim etti.

Qazaqtyń kórnekti sýyryp salma aqyny Jambyl Jabaevtyń týǵan kúni qarsańynda Kıevtegi qazaq dıasporasy men Qazaqstannyń Ýkraınadaǵy Elshiligimen birge Jambyl Jabaev atyndaǵy kópshilik kitaphana ǵımaratynda poezııa oqýlaryn ótkizdi.

Іs-sharaǵa qatysýshylar J.Jabaevtyń qazaq, ýkraın jáne orys tilderindegi óleńderin - «Taras», «Alataý», «Ulyma jaýap» jáne taǵy basqa shyǵarmalaryn jatqa oqyp, ómirbaıanyn aıtyp berdi.

Sonymen qatar, qazaq taǵamdarymen shaı dastarhanyn uıymdastyrdy.

Jalpyǵa málim, bıyl Qazaqstan Jambyl Jabaevtyń 175 jyldyǵyn atap ótedi.

Kıev kósheleriniń biri onyń qurmetine atalǵan jáne «Nıvkı» saıabaǵynda eskertkish ornatylǵan.