Jambyl polıtseıleri Almatyda ańshylar dúkenin tonaǵandardy ustady
7 qańtar kúni Qordaı aýdanyndaǵy «Almaty-Tashkent» kúre jolynda polıtsııa qyzmetkerleri memlekettik tirkeý nómirinsiz júrgen Subaru Forester kóligin toqtatty. Kólikti tekserý kezinde ishinen 12-shi kalıbrli qarýdyń 10 danasy, 1 pnevmatıkalyq tapansha jáne ańshylyqqa arnalǵan jabdyqtar tabyldy.
Tergeý barysynda kóliktiń 24 jastaǵy júrgizýshisi men 27 jastaǵy jolaýshy Almaty qalasyndaǵy jappaı tirtipsizdikter kezinde ańshylyq dúkenin tonaǵany belgili boldy.
Qazirgi kezde kúdiktiler ýaqytsha qamaý oqshaýlaǵyshyna qamaldy. QR Qylmystyq kodeksiniń 291-babynyń 3-bólimimen sot aldyndaǵy tergeý amaldary júrgizilýde.
Qoǵamdyq tártipti qamtamasyz etý maqsatynda Qordaı aýdanynyń eki blok beketinde polıtsııanyń 100-ge jýyq qyzmetkeri men áskerı qyzmetker táýlik boıy qyzmet etýde.