Jambyl oblysynyń turǵyndaryna 2 247 jer telimi beriledi

TARAZ. QazAqparat - «Nurly jer» baǵdarlamasynyń aıasynda Jambyl oblysynda 249 gektar jer jeke turǵyn úı salýǵa berilmek, dep habarlaıdy «QazAqparat» Jambyl oblysy ákimdiginiń jer qatynastary basqarmasyna silteme jasap.

Vedomstvo basshysy Beıbitbek Jaılybaevtyń aıtýynsha, «Nurly jer» baǵdarlamasynyń basym baǵyttarynyń biri jeke turǵyn úı sektoryn damytý bolyp tabylady. Osyǵan baılanysty qurylysqa berilgen aımaqtarda ınfraqurylymdar salý úshin bıýdjetten arnaıy qarjy bólingen. Birinshi kezekte oblystyń eldi mekenderiniń shekaralaryn bólý jáne ony Bas josparǵa saı bekitý jumystary júrgiziledi», dedi spıker.  

«2005 jyldan beri jer telimderiniń kezeginde oblystyń 101 054 turǵyny tur. Tarazda bul kórsetkish - 66 372, Baızaq aýdanynda - 4 146, Jambyl aýdanynda - 5 655, osylaı kete beredi. Bıylǵy jyly 249 ga jer daıyndalyp jatyr. Onyń 2 247 gektaryn kezekte turǵan turǵyndarǵa berý josparlanyp otyr. Jer qatynastaryn jetildirý maqsatynda eldi mekenderde jerdi jeke ıelikke beretin kezde ótemaqy tóleýdiń bazalyq stavkalaryn bekitý jumystary júrgizilýde»,-dedi oblystyq jer qatynastary basqarmasynyń basshysy.

Budan keıingi kezeńde jerdi bólip berip, agrarlyq sektorǵa ınvestorlardy tartý jumystary júrgiziledi.

Oblys ákimdigindegiler óńirde 2020 jylǵa deıin 2,8 mln sharshy metr jerdi paıdalanýǵa berý úshin barlyq múmkindikterdiń qarastyrylǵandyǵyn atap ótti.