Jambyl oblysynyń turǵyndary polıtsııaǵa 40 dana urlanǵan qarý tapsyrdy

TARAZ. QazAqparat – Jambyl oblysynyń turǵyndary polıtsııaǵa 40 dana urlanǵan qarý tapsyrdy, dep habarlaıdy QazAqparat Jamyl oblystyq Polıtsııa departamentiniń baspasóz qyzmetine silteme jasap.

Departament taratqan málimetterege qaraǵanda, jergilikti turǵyndar óńir komendantynyń málimdemesinen soń, ózderi polıtsııaǵa habarlasyp, jappaı tártipsizdikter kezinde urlanǵan qarý-jaraqtar men oq-dárilerdiń jatqan jeri týraly habar berip jatyr.

Qońyraýlar Taraz qalasynan da oblystyń aýdandarynan da túsip jatyr.

«Polıtsııanyń málimetinshe, urlanǵan qarýdy ótkizgender qylmystyq jaýapqa tartylmaıdy jáne onyń qarý ótkizgeni týraly aqparat ta eshkimge jarııalanbaıdy»,-delingen Jambyl oblystyq Polıtsııa departamenti taratqan aqparatta.