Jambyl oblysynyń Sarysý aýdanynda 60 000 gektar jaıylymdyq jer memleketke qaıtaryldy

NUR-SULTAN. QazAqparat - Jambyl oblysy boıynsha Sybaılas jemqorlyqqa qarsy is-qımyl departamenti júrgizgen antıkorrýptsııalyq monıtorıng barysynda aýyl sharýashylyǵy maqsatyndaǵy iri jer ýchaskesin paıdalanbaý faktisi anyqtaldy.

Sarysý aýdany ákimdiginiń 2006 jylǵy 18 shildedegi sheshimimen «BN Ekotehnologııa» JShS-na 49 jyl merzimge 60 000 ga jaıylymdyq jer ýaqytsha paıdalanýǵa berildi. Bul aýdannyń barlyq jaıylymdyq alqaptarynyń 10,2%-yn quraıdy.

Alaıda búgingi kúnge deıin «BN Ekotehnologııa» JShS mal basyn tirkeý júrgizilmegen, demek, jaıylymdyq jerler maqsatqa saı paıdalanylmaǵan.

Osyǵan baılanysty, Departamenttiń Jambyl oblysy ákimine aǵymdaǵy jylǵy 28 shildedegi jer paıdalanýshydan jerdi májbúrlep alyp qoıý boıynsha sharalar qabyldaý týraly haty negizinde aǵymdaǵy jyldyń 19 tamyzynda Sarysý aýdanynyń ákimdigi memleketke 60 000 ga jerdi qaıtardy.

Ýchaskeniń kadastrlyq baǵalaý quny 336,0 mln. teńgeni quraıdy.