Jambyl oblysynyń polıtsııasy 250 jalǵan qujatqa qatysty pikir bildirdi
Eske sala ketsek, Qytaıdan 2015 jyly kelgen etnıkalyq qazaqtardyń Qazaqstanda jalǵan yqtııarhatpen turyp jatqany anyqtalǵan bolatyn. Zańǵa sáıkes, olar elden deportatsııalanýy tıis bolǵan. Olardyń sózine qaraǵanda, eger Qytaıǵa qaıtsa, ondaǵy jańa qabyldanǵan zań boıynsha sottalýy múmkin.
«QazAqparat» HAA tilshisiniń Jambyl oblystyq ІІD kóshi-qon polıtsııasy basqarmasyna bergen suraǵyna jalǵan qujattyń berilýine Jambyl kóshi-qon polıtsııasy qyzmetkerleriniń eshqandaı qatysy joq degen jaýap keldi.
«2015 jyly QHR azamattary Qazaqstan Respýblıkasynda turaqty turýǵa yqtııarhat berý týraly ótinish jazǵan. Ótinishter 2015 jylǵy 4 jeltoqsandaǵy №992 buıryqtyń talaptaryna sáıkes qabyldanǵan, tirkelgen jáne qaralǵan. Qajetti materıaldardyń barlyǵy jınalǵan. (...) Biraq ulttyq qaýipsizdik organdarynyń tekserýinen keıin turaqty turýǵa tirkeý jáne ruqsat berýge negiz retinde usynylǵan qujattar jalǵan ekeni anyqtalǵan. ıAǵnı, shetel azamattaryna jalǵan qujattyń berilýine bizdiń qyzmetkerlerdiń eshqandaı qatysy joq», - dep málimdedi oblystyq ІІD kóshi-qon polıtsııasy basqarmasyndaǵylar.
Olardyń elden shyǵarylýy múmkindigi jaıynda kóshi-qon polıtsııasy bergen jaýapqa qarasaq, qoldanystaǵy zańdylyqqa sáıkes, azamat elden óz betimen shyǵýdan bas tartsa, májbúrli túrde shyǵarylady.
«Qazirgi kezde 250 shetel azamatyn Qazaqstan Respýblıkasynyń aýmaǵynan shyǵarý jónindegi másele qaralýda», - deıdi oblystyq ІІD KPB-daǵylar. Olardyń sózine qaraǵanda, kóshi-qon bólimsheleriniń laýazymdy tulǵalaryna qatysty olardyń qyzmetinde tártiptik buzýshylyqtyń bar-joqtyǵyn anyqtaý úshin tártiptik is ashylǵan. Qyzmettik tekseristerden keıin olardyń nátıjeleri týraly aqparat beriletin bolady.