Jambyl oblysynyń polıtseıleri esirtkiniń asa iri partııasyn tárkiledi

TARAZ. QazAqparat - «Qarasora-2023» jedel-profılaktıkalyq is-sharasy aıasynda Shý aýdanyndaǵy jabaıy qarasora ósetin alqaptarda asa iri kólemde esirtkini zańsyz saqtady degen kúdikpen Shymkent qalasynyń 41 jastaǵy turǵyny men Túrkistan oblysynyń 47 jastaǵy turǵyny ustaldy, dep habarlaıdy QazAqparat tilshisi.

Jambyl oblystyq polıtsııa departamenti bergen málimetterge súıensek, tintý kezinde erekshe ıisi bar ósimdik tektes zat bar úsh polıetılen qap tárkilengen. Sot-hımııalyq saraptamanyń qorytyndysyna sáıkes, 9 kg 880 gr keptirilmegen marıhýana men salmaǵy 10 kg 730 gr bolatyn kannabıs esirtki zaty alynǵan.

«Ustalǵandar kinásin moıyndap, Shý qalasynyń ýaqytsha ustaý ızolıatoryna qamaýǵa alyndy. Qazirgi ýaqytta osy derek boıynsha Qazaqstan Respýblıkasy Qylmystyq kodeksiniń 296-baby 4-bóligi, ıaǵnı esirtki quraldaryn asa iri mólsherde zańsyz saqtaý boıynsha sotqa deıingi tergep-tekserý bastaldy. Osy baptyń sanktsııasy 3 jyldan 7 jylǵa deıingi merzimge bas bostandyǵynan aıyrý túrindegi jazany kózdeıdi, – dedi oblystyq polıtsııa departamenti esirtki qylmysyna qarsy is-qımyl basqarmasynyń bastyǵy polıtsııa podpolkovnıgi Álim Bajyqbaev.
Buǵan deıin Jambyldyq polıtseıler aýyl turǵynynan 50 keliden astam esirtki tárkilegenin habarlaǵan bolatynbyz.