Jambyl oblysynyń basqarma basshysy bıýdjet qarajatyn jymqyrǵan

NUR-SULTAN. QazAqpart - Jambyl oblysy ákimdiginiń kásipkerlik basqarmasynyń basshysy bıýdjet qarajatyn jymqyrdy degen kúdikke ilindi. Bul týraly QazAqpart Sybaılas jemqorlyqqa qarsy qyzmetiń baspasóz qyzmetine silteme jasap.

Jambyl oblysynyń Sybaılas jemqorlyqqa qarsy qyzmeti sybaılas jemqorlyq qylmysyn jasady degen kúdikpen «Jambyl oblysy ákimdiginiń kásipkerlik jáne ındýstrıaldy-ınnovatsııalyq damý basqarmasy» memlekettik mekemesiniń basshysyna qatysty sotqa deıingi tergeýdi bastady.

Ol kórsetilmegen qyzmet úshin jeke kásipkerlik arqyly júıeli túrde qarjyny aýdaryp, keıin ony qolma-qol aqshaǵa aýystyrý arqyly, sondaı-aq is júzinde jumys istemegen tulǵaǵa jalaqyny zańsyz esepteý jáne tóleý arqyly bıýdjet qarajatyn jymqyrdy dep kúdikke ilindi.

Aǵymdaǵy jyldyń 1 aqpanynda kúdiktige qatysty qamaýǵa alý túrindegi bultartpaý sharasyna sanktsııa berildi.

Kúdiktige qatysty túpkilikti sheshimdi sot qabyldaıdy.