Jambyl oblysynyń ákimi túlekteri UBT-dan «ekilik» alǵan mektepterdi baqylaýǵa alýdy tapsyrdy
«Orta bilim berý deńgeıiniń basty kórsetkishi - Ulttyq biryńǵaı testileý. Júıeli jumystyń nátıjesinde «Altyn belgi» úmitkerleriniń barlyǵy bıylǵy jyly óz bilimderin dáleldedi. 120 baldan joǵary alǵan túlekter sany artty, tómen nátıje kórsetken mektepter qatary azaıdy», - dedi óńir basshysy. UBT-2016 nátıjesinde jambyldyq túlekterdiń ortasha baldary 78,71 bolǵan (2015 jyly - 78,6).
«Bul jerde qanaǵattanarlyq emes baǵa alǵan túlekter jaıy da aıtylady, - dedi K. Kókirekbaev. - UBT-da eki alý túlektiń kóp jyldarda eshteńeni uqpaǵandyǵyn kórsetedi. Bul qaýipti belgi. Eki alǵandar Merki, Jýaly jáne Qordaı aýdandarynyń mektepterinde kóp. Jambyl, Baızaq, Moıynqum aýdandaryna qanaǵattanarlyqsyz baǵa alǵan oqýshylar sany ósip keledi».
Oblys ákimi Moıynqum aýdanyndaǵy mektepterdiń túlekteri eki jyl qatarynan tómen nátıje kórsetkenin atap ótti. 2015 jyly bul tizimde 9 mektep bolsa, bıyl onyń qataryna úsh bilim mekemesi qosylǵan.
«Bilim berý sapasyn jaqsartý úshin Taraz qalasy jáne aýdandar ákimderine túlekteri UBT-dan tómen baǵa alǵan mektepteri baqylaýǵa alýdy tapsyramyn, - dedi K. Kókirekbaev. - Mekteptiń UBT-daǵy kórsetkishi bilim berý bólimderiniń tıimdilik belgileriniń biri. Bıylǵy UBT nátıjesi boıynsha 45 mekteptiń ortasha kórsetkishi 65 baldan tómen boldy (Qordaı, Merki, Moıynqum, Jýaly, Jambyl aýdandary). 45 mekteptiń 17-i ekinshi jyl qatarynan UBT-da tómen nátıje kórsetken mektepter qatarynda, onyń 12-i Qordaı aýdanynda».
Eske sala ketsek, osy jyly oblysta bilim berý júıesin qarjylandyrýǵa 90,2 mlrd teńge qarastyrylǵan, bul ótken jylmen salystyrǵanda 16,3% -ǵa joǵary.
Bıyl bilim berý nysandarynyń damýyna 6,4 mlrd teńge bólindi. 19 bilim berý mekemeleriniń qurylysy júrgizilýde, jyl sońyna deıin 6 mekteptiń iske qosylýy josparlanǵan.
Bıyl 42 bilim berý nysandaryn kúrdeli jóndeý jumystaryna 4,5 mlrd teńgeden astam qarjy bólindi (30 mektep, 5 bala baqsha, 6 kolledj, 1 qosymsha bilim berý mekemesi). Budan basqa, 460 mln teńgege 118 nysanda aǵymdaǵy jóndeý jumystary atqarylýda (101 mektep, 12 balabaqsha, 5 mektepten tys oqytý mekemeleri).
Arasynda Taraz qalasy men Shý aýdanynda 7 mekteptiń (Taraz - 5, Shý aýdany - 2) kúrdeli jóndeý jumystary jeltoqsan aıynda aıaqtalady.
Bıyl 6 balabaqsha ashylyp, 390 bala mektepke deıingi tárbıemen qamtyldy. «Nurly jol» baǵdarlamasy aıasynda 3 balabaqsha (280 oryndyq) jáne jergilikti bıýdjetten 2 balabaqshanyń (140 oryndyq)qurylysy jyl sońyna deıin aıaqtalady.
Memlekettik - jekemenshik áriptestik aǵymdaǵy jyldyń basynan beri 5 balabaqsha ashyldy (440 oryndyq).
Oblysta múmkindigi shekteýli balalardyń 89,5%-y oqýmen qamtylǵan.
Inklıýzıvti bilimmen qamtylǵan balalar úlesi ótken jylǵa qaraǵanda ósip, 25%-dy qurap otyr. Búgingi kúni mektepterdiń 34%-nda (154 mektepte) múmkindigi shekteýli balalardyń kedergisiz kirip-shyǵýyna jaǵdaı jasalǵan. Bul kórsetkish Taraz qalasynda - 19%, Baızaq aýdanynda - 18%, Jambyl aýdanynda - 23,6%-dy quraıdy.
Tamyz keńesinde, bilim berý júıesiniń damýyna úlken úles qosqan, úzdik muǵalimderge qurmet gramotalary tabystalýymen aıaqtaldy.