Jambyl oblysynyń 25 túıeli kerýeni búgin túnde Astanaǵa jetedi
Onyń aıtýynsha, kerýen Astana qalasyna jaqyndap qaldy.
«Dál qazir Astana qalasyna kireıin dep turmyz. Qalaǵa túnde jetetin shyǵarmyz. Erteń «Han Shatyr» saýda-oıyn-saýyq ortalyǵynyń janynda bolamyz. Ázirge kerýen uzaq sapardan tynyǵyp jatyr. Kerýen Jambyl oblysynyń ákimi Kárim Kókirekbaevtyń jiti qadaǵalaýynda, oǵan bar jaǵdaı týraly xabar berip turdyq», - dedi N.Abdýllaev.
Kerýen jetekshisiniń aıtýynsha, eldimekender jolaýshylardy asqan qyzyǵýshylyqpen kútip alǵan.
«Halyqtyń qyzyǵýshylyǵy orasan boldy, sebebi mundaı kerýendi bizdiń xalyq buryn-sońdy kórmegen. Bul jaı ǵana kerýen emes, tutas teatrlandyrylǵan qoıylym. 25 túıe, 5 páýeske, 40 salt atty... Árbir páýeskege «Qyz Jibek», «Aısha bıbi» syndy esimder berdik. Kerýen sońynda «nemerelerine» ata-babalarymyz týraly ańyz-ertegiler aıtatyn ájeler bolady. Munyń barlyǵy qazir emes, 550 jyl buryn bolǵandaı áser qaldyrady. Endi mundaı kerýen saparlarynda atalarymyzdyń qandaı sezimde bolǵanyn jaqsy bilemiz», - dedi ol.
Kerýen basshysy qaljyraǵandaryna qaramastan, kóńil-kúıleri kóterińki ekenin aıtýda.
«Árıne, uzaq sapardan azdap sharshadyq. Biraq bul - qýanyshtyń sharshaýy. Taýǵa nemese sarqyramanyń janyna toqtaǵandaǵy sezimdi sózben aıtyp jetkizý qıyn. A keıbir aýyldar baýyrsaqpen, qymyzben jáne jaqsy kóńil-kúımen qarsy alsa, tipti ǵanıbet! Tipti bizdi kórý úshin kórshi aýdandardan arnaıy kelgen turǵyndar da boldy»,- deıdi ol. - «Keı kezderi en dalaǵa toqtaǵan kezder de boldy, aınalańda jylandar men kesirtkeler jorǵalap júredi. Uzaq saparda bozbalalar men boıjetkenderdiń kóńilderi jarasyp, úılený toıy týraly ýaǵdalasyp úlgerdi».
Eske sala ketsek, «Kóne Taraz - Astana» kerýeni elordaǵa 20 mamyr kúni shyqqan edi. Osylaısha, kerýenshiler eki aı jol júrdi.