Jambyl oblysyndaǵy jarylys saldaryn joıýǵa saperler men kınologtar atsalysyp jatyr

NUR-SULTAN. QazAqparat – Jambyl oblysy polıtsııa departamentiniń qyzmetkerleri jarylys saldaryn joıý úshin kınologtar men saperlerdi tartty, dep habarlaıdy QazAqparat tilshisi.

«Oqıǵa ornynda saperler men ıisshil ıtteri bar kınologtar jumys istep júr. Ónerkásiptik, saýda jáne turǵyn úı obektileri muqııat tekserilýde. Aýdanǵa aparatyn avtojoldar áli de jabyq. Tek arnaıy qyzmetterdiń kólikteri ǵana kire alady. Polıtseılerdiń naqty jáne úılesimdi áreketteriniń arqasynda adamdarǵa ýaqtyly kómek kórsetildi, olardyń eshqaısysy zardap shekken joq», - dep habarlady departament mamandary.

Eske salsaq, Jambyl oblysyndaǵy jarylystan qaza tapqandar sany 12 adamǵa jetken bolatyn.

Densaýlyq saqtaý mınıstrliginiń resmı málimetine súıensek, Taraz qalasynyń statsıonarlarynda em alyp jatqan zardap shegýshiniń beseýi reanımatsııada, ekeýiniń jaǵdaıy aýyr.

Búgin Prezıdent Qasym-Jomart Toqaev tótenshe oqıǵaǵa baılanysty shuǵyl jınalys ótkizdi.

Jınalys qorytyndysy boıynsha tótenshe jaǵdaıdyń saldaryn joıý úshin vedomstvoaralyq memlekettik komıssııa qurylyp, oǵan Premer-Mınıstrdiń orynbasary Roman Sklıar basshylyq etetin boldy.