Jambyl oblysyndaǵy jaǵdaı jergilikti bıliktiń tolyq baqylaýynda – ákimdik

NUR-SULTAN. QazAqparat – Jambyl oblysyndaǵy qazirgi jaǵdaı týraly oblys ákiminiń orynbasary Dáýlet Káribek túsinik berdi, dep habarlaıdy QazAqparat tilshisi Habar 24 telearnasyna silteme jasap.

«Oblysta jedel shtab quryldy. Onyń quramynda UQK, polıtsııa, tótenshe jaǵdaı departamenti, prokýratýra jáne áskerı qolbasshylyqtyń ókilderi bar. Qazirgi tańda jaǵdaı jergilikti bıliktiń tolyq baqylaýynda. Áleýmettik nysandar zardap shekken joq. Infraqurylymdyq-ınjenerlik nysandar onyń ishinde qoǵamdyq kólik shtattyq rejımde jumys jasap tur. Mektep oqýshylarynyń kanıkýly 17 qańtar, kolledj stýdentteriniń kanıkýly 24 qańtarǵa deıin uzartyldy», - dedi Dáýlet Káribek Habar 24 telearnasyna uıaly telefon arqyly bergen suhbatynda.

Onyń aıtýynsha, oblystyń 10 aýdany boıynsha balabaqshalar turaqty jumys istep tur.

«Taraz qalasyndaǵy balabaqshalardyń jumysy tótenshe jaǵdaıǵa baılanysty ýaqytsha toqtatyldy. Osy sátti paıdalana otyryp oblys jáne qala turǵyndaryn arandatýshylyqqa ermeýge, jalǵan aqparatqa senbeýge shaqyramyz. Úıde bolyp, eshqandaı shaqyrýǵa erip ketpeı, kommendanttyq saǵat erejesin saqtaýǵa shaqyramyz», - deıdi ol.

Sonymen qatar Taraz qalasyndaǵy «Nur Otan» partııasynyń fılıalyna shabýyl jasalǵany týraly habarlandy.