Jambyl oblysyndaǵy zaýyt vaktsınanyń qandaı túrlerin shyǵarady

NUR-SULTAN. QazAqparat – Jambyl oblysynda salynyp jatqan zaýytta qandaı vaktsına túrleri óndiriletini belgili boldy, dep habarlaıdy QazAqparat tilshisi.

«Bıyl sáýir aıynda 50 myń doza vaktsına óndirildi. Osy maýsym aıynda taǵy 100 myń doza shyǵarady. Shilde, tamyz aılarynda 500 myń dozaǵa deıin óndiretin bolamyz. Al qyrkúıek aıynan bastap vaktsına óndirý kólemin 1 mln-ǵa deıin jetkizemiz. Sonymen qatar zaýyt koronavırýs qana emes, basqa da aýrý túrlerimen kúresetin vaktsına óndiredi dep josparlanǵan. Sondaı-aq, tek adam ǵana emes, janýarlarǵa da arnalǵan vaktsına túrlerin shyǵarady. Zaýyt kelesi jyldan bastap óndiris qýatyn tolyqtaı paıdalanýy tıis, sol úshin de birneshe baǵytta jumys isteıtin bolady», - dedi Jambyl oblysynyń ákimi Berdibek Saparbaev OKQ-de ótken baspasóz máslıhatynda.

Buǵan deıin óńir basshysy Jambyl oblysyndaǵy salynyp jatqan vaktsına óndiretin zaýyttyń qashan iske qosylatynyn aıtqan bolatyn.

B.Saparbaevtyń aıtýynsha, búginde zaýyttyń qurylys-montajdaý jumystary tolyq aıaqtaldy.