Jambyl oblysyndaǵy shıelenisti polıtsııa tekserip jatyr
21:17, 07 Aqpan 2020
JAMBYL OBLYSY. QazAqparat – Jambyl oblysynyń Qordaı aýdanyndaǵy Masanchı selosynyń turǵyndary arasynda jappaı tóbeles boldy, dep habarlaıdy QazAqparat Polıtsııa departamentiniń baspasóz qyzmetine silteme jasap.
«Polıtsııa kúshimen konflıkt sheshildi, jaǵdaı tolyq baqylaýda. Jambyl oblysy Polıtsııa departamentiniń tergeý basqarmasy QR Qylmystyq kodeksiniń 293-baby (Buzaqylyq) boıynsha sotqa deıingi tergeý amaldaryn bastady», - delingen habarlamada.
Tóbelesti bastaǵandar men qatysqandar anyqtalyp jatyr.
Jambyl oblysy Polıtsııa departamenti turǵyndardy tek resmı aqparattarǵa ǵana senýge shaqyrady jáne jalǵan aqparat taratpaýdy suraıdy.
«Jalǵan aqparat taratqany úshin, onyń ishinde áleýmettik jeliler men jedel habarlaýshylar úshin qylmystyq jaýapkershilik qarastyrylǵanyn eskertemiz», - deıdi departament.