Jambyl oblysyndaǵy oq-dáriler qoımasyn saperler tekserip jatyr

TARAZ. QazAqparat - Qorǵanys mınıstri Nurlan Ermekbaev órtten zardap shekken Jambyl oblysyndaǵy oq-dáriler qoımasynyń aýmaǵyn qarap shyqty, dep habarlaıdy QazAqparat vedomstvonyń baspasóz qyzmetine sillteme jasap.

Oqıǵa ornynda ol Tótenshe jaǵdaılar mınıstri ıÝrıı Ilın jáne Jambyl oblysynyń ákimi Berdibek Saparbaevpen keńes ótkizdi.

«Órt saldaryn joıýǵa qatysty birlesken is-qımyldar úılestirildi. Negizgi kúsh-jiger halyqtyń qaýipsizdigin 100% qamtamasyz etýge baǵyttalǵan.

«Ońtústik» óńirlik qolbasshylyǵynyń ınjenerlik áskerleri oq-dáriler qoımasynyń aýmaǵyn tazartýǵa kiristi. Bólimsheler qalyptyq mına tartqyshpen jabdyqtalǵan ınjenerlik jáne brondy transporterlerdi paıdalanýda», delingen habarlamada.

Áskerı saperler temirjol ýchaskesi men jaqyn mańdaǵy eldi mekenderge ınjenerlik barlaý jáne tazalaý jumystaryn júrgizdi.