Jambyl oblysyndaǵy «Qazfosfat» JShS zaýyty qalypty jumys istep tur

TARAZ. QazAqparat - Jambyl oblysyndaǵy Jańa Jambyl fosfor zaýytyndaǵy (JJFZ) keleńsiz jaǵdaı aımaq basshysy Nurjan Nurjigitovtyń jeke baqylaýynda, dep habarlaıdy QazAqparat tilshisi.

23 qarasha kúni saǵat 11:40 shamasynda atalǵan kásiporynnyń 200-ge jýyq qyzmetkeri hımııa zaýyty basshylarynyń biriniń áreketine narazylyq bildirgen.

Jambyl oblysy ákimdiginiń eńbek ınspektsııasy basqarmasynyń málimetinshe, sonyń nátıjesinde «Qazfosfat» kásipornynyń jumysshylary arasynda túsinispeýshilik oryn alǵan.

«Qazfosfat» JShS tsıfrlyq transformatsııa bóliminiń basshysy áriptesterine qatysty dóreki sóılegen», - delingen resmı habarlamada.

Oqıǵa ornyna der kezinde barǵan Jambyl oblysy ákiminiń birinshi orynbasary Nurjan Kalenderov, oblys ákiminiń orynbasary Qanatbek Mádibek, oblys prokýrorynyń orynbasary Nurbek Ulasbekuly mekeme qyzmetkerlerimen kezdesip, túsindirý jumystaryn júrgizdi.

Qazirgi kezde «Qazfosfat» JShS tsıfrlyq transformatsııa bóliminiń basshysy, Reseı azamaty áriptesterinen keshirim surady. Sonymen qatar ol qyzmetinen bosatyldy.

«Osy fakti boıynsha 20 erikti qyzmetkerden turatyn jumys toby quryldy. Top quramyna tseh jetekshileri, kásipodaq ókilderi kirdi, olar ózekti máseleler boıynsha jumystar júrgizilýde.

Qazirgi tańda kásiporyndaǵy jaǵdaı turaqty. Zaýyt shtattyq rejımde jumys istep tur», dep habarlady vedomstvo.