Jambyl oblysyndaǵy áskerı bólimde 6 jarylys boldy
«Búgin Jambyl oblysyndaǵy ákerı bólim qoımalarynyń birinde saǵat shamamen 19:00-de órt shyqty. Órtti sóndirý jumystary jalǵasýda. Áskerı bólimniń órt sóndirý komandasy men órtti sóndirýge arnalǵan shynjyrly arnaýly tehnıkasy, sonymen qatar Jambyl oblystyq TJD órt sóndirý toptary jumyldyrylǵan. Qoımada negizinen ınjenerlik oq-dári saqtalǵan jáne olar alys qashyqtyqqa ushpaıdy. Jalpy 6 jarylys oryn aldy», - dep habarlady mınıstrlikten.
Vedomstvo málimetinshe, turǵyndardyń qaýipsizdigi úshin áskerı bólimge jaqyn úılerdiń adamdary qaýipsiz jerge kóshirilgen. Qazirgi ýaqytta medıtsınalyq kómekke júgingen 32 zardap shegýshi týraly aqparat bar. Onyń 10-y áskerı qyzmetshi.
Oqıǵa ornyna Qorǵanys jáne Tótenshe jaǵdaılar mınıstrleri, Qorǵanys mınıstriniń orynbasary, Qorǵanys vedomstvosynyń komıssııasy mingen Áskerı áýe kúshteriniń áskerı-tehnıkalyq avıatsııa borty ushyp ketti.