Jambyl oblysyndaǵy 196 eldi meken gazǵa qosylmaq

TARAZ. QazAqparat -Jambyl oblysynda 2018-2027 jyldary qosymsha 196 eldi mekendi gazdandyrý josparlanýda. Osylaısha óńirdegi eldi mekenderdi kógildir otynmen 100 paıyz qamtý kózdelýde, dep habarlaıdy QazAqparat.

2017 jyly oblystyq bıýdjetten 525 mln teńge bólinip, 43 524 mln teńge quraıtyn 11 jobalyq qujat daıyndaldy. Onyń ishinde alty aýdannyń 84 eldi mekenin gazdandyrý, Taraz qalasy halqynyń qaýipsizdigin qamtamasyz etý úshin AGRS-1 men AGRS-2-ni qalanyń syrtyna shyǵarý qarastyrylǵan. Búginde bul jumystar qolǵa alynyp, júrgizilýde. Atalǵan jobalar tolyǵymen iske asqan kezde oblystaǵy gazdandyrylǵan eldi meken sany 265-ti qurap, 70% deńgeıine kóteriledi. Ázirge bul kórsetkish 48 paıyzdy qurap otyr.

Aıta ketý kerek, óńirdegi gazdandyrylǵan eldi mekenderde tursa da, ortalyqtandyrylǵan gaz torabyna qosylmaǵan 88 myń halyq bar bolatyn. Onyń 53 myńǵa jýyǵy ótken jyldyń sońyna deıin gaz torabyna qosyldy. Qazirgi tańda aýdan ákimderi tómen baǵamen, ıaǵnı 82 756 teńgege gaz kirgizý jumystaryn «Jambyl-jylý», «Temirjol-jylý jáne jeke merdigerlermen birlese atqarýda.