Jambyl oblysynda jylytý maýsymy bastaldy

TARAZ. QazAqparat –Jambyl oblysy ákiminiń tapsyrmasy boıynsha 1 qazannan jylytý maýsymyn bastaý týraly sheshim qabyldandy, dep habarlaıdy QazAqparat tilshisi oblys ákimdiginiń resmı saıtyna silteme jasap.

Energetıka jáne turǵyn úı-kommýnaldyq sharýashylyq basqarmasynyń málimetteri boıynsha oblystyq jeliler men jylýmen jabdyqtaý júıeleri jylý berý maýsymyna 100% daıyn.

Birinshi kezeńde densaýlyq saqtaý jáne mektepke deıingi bilim berý (balabaqshalar) mekemeleri jylýmen jabdyqtaýǵa qosylýda.

Kelesi kezeńde turǵyn úı, áleýmettik, kommertsııalyq jáne basqa da nysandar jylýmen qamtylady. Qoldanystaǵy normatıvterge sáıkes, ol úshin syrtqy aýa temperatýrasy 5 kún boıy +8 gradýsqa teń nemese odan tómen bolýy kerek.

Ótken 5 kúnde óńirdegi ortasha táýliktik temperatýra: + 10°S-den + 11°S-ge deıin jáne sársenbi kúni ǵana + 7,5°S boldy.

Qazgıdromet ortalyǵynyń boljamyna sáıkes aldaǵy kúnderi ortasha táýliktik temperatýra juma kúni +12°S, senbi + 13°S, jeksenbi men dúısenbi kúnderi + 12°S, al seısenbi 10 ° S bolady dep kútilýde.

Alaıda, koronavırýstyq ınfektsııanyń yqtımal ekinshi tolqyny jáne JRVI aýrýlary maýsymynyń bastalýyn eskere otyryp, temperatýra kúrt tómendegen jaǵdaıda turǵyn úılerge jylýdy merziminen buryn berý máselesi qarastyrylady.