Jambyl oblysynda jyl basynan beri 12 myńnan asa buralqy ıt aýlanǵan

TARAZ. QazAqparat - Jyl basynan «Jambyl» 109 dıspetcher ortalyǵyna túsken ıesiz janýarlardy aýlaý boıynsha ótinishter negizinde barlyǵy 12 524 qańǵybas ıt jáne 56 mysyq talapqa saı aýlanǵan. Taraz qalasynyń ózinen aýlanǵan ıtter sany – 5920, dep habarlaıdy QazAqparat tilshisi.

Bul jaıynda óńirlik kommýnıkatsııalar qyzmetiniń alańynda ótken brıfıngte Jambyl oblystyq veterınarııa basqarmasynyń basshysy Nurjas Qurmantaev aıtty.

«Búgingi kúnge deıin janýar ıelerinen túsken ótinishterge sáıkes, olarǵa elektrondy pasport ashylyp, aqparattyq júıemen esepke alý jáne turǵyndar ıeligindegi 276 ıt-mysyqqa kastratsııa, sterılızatsııa, vaktsınatsııa syndy profılaktıkalyq sharalar júrgizildi», – deıdi ol.

Aıta keteıik, buǵan deıin fermerlerdiń atynan sýbsıdııa alyp kelgender áshkerelengenin jazǵan bolatynbyz.

Jalǵan shot-faktýralar sýbsıdııalanatyn tańqýraı túrlerin jetkizýge jazylyp kelgen.

Keıin sharýa qojalyqtaryn eskertpesten olardyń atynan sýbsıdııa alýǵa elektrondy ótinim berilgen.

Tekserý nátıjesinde fermerlerde tańqýraı egis alqaptary joq bolyp shyqty. Atalǵan tulǵalar memleketten 800 mıllıon teńgeden astam somaǵa sýbsıdııa alǵan.

Alaıaqtyq faktileri boıynsha 4 qylmystyq is tirkeldi.