Jambyl oblysynda joldar aqyly bolady

TARAZ.QazAqparat - 2018 jyly Jambyl oblysynda joldarǵa aqy tóleý júıesin engizý josparlanyp otyr. Bul jaıly aqparat aımaq basshysy Kárim Kókirekbaevtyń qatysýymen ótken jıynda aıtyldy, dep habarlaıdy «QazAqparat» HAA tilshisi oblystyq ákimdiktiń baspasóz qyzmetine silteme jasap.

«QazAvtoJol» AQ UK Jambyl oblysyndaǵy bólimshesiniń basshysy Dáýren Toqtarovtyń aıtýynsha, Jambyl aýdany boıynsha Batys Eýropa - Batys Qytaı trassalaryna aqyly júrý júıesi engiziledi.

Qazirgi ýaqytta Jambyl oblysynan Almatyǵa baratyn joldaǵy Taraz-Qaınar avtojolynda tólem qabyldaýdy qamtamasyz etetin keshen qurylysy bastaldy. 

Jeńil avtokólikter úshin jol júrý aqysy kılometrine 1 teńgeni qurasa, júk mashınalary men avtobýstar úshin - kılometrine 15 teńge bolady dep kútilýde. Demek, Tarazdan Qordaıǵa jetý úshin jeńil kólik júrgizýshisi mólshermen 350 teńge, al aýyr kólik júrgizýshileri - 5 250 teńge tóleıdi.