Jambyl oblysynda zańsyz dinı birlestiktiń qyzmeti toqtatyldy

TARAZ. QazAqparat - Jambyl oblysynda sottyń sheshimimen «Evangelıe hrıstıan baptısteriniń» dinı birlestiginiń zańsyz qyzmeti toqtatyldy, dep habarlaıdy «QazAqparat» HAA tilshisi Jambyl oblystyq sotynyń baspasóz qyzmetine silteme jasap.

Jambyl oblystyq ІІD-niń ekstremızmge qarsy is-qımyl basqarmasynyń, sondaı-aq Shý ІІB-niń qyzmetkerleri Shý qalasynyń turǵyny Z.-ǵa tıesili úıdi tekserý barysynda áıeldiń úıinde tıisti memlekettik tirkeýden ótpegen dinı joralar, saltanattar, jıyndar ótkizgenin, olarǵa jergilikti «Evangelıe hrıstıan baptısteri» dinı birlestiginiń qyzmetshileri men músheleri qatysqanyn naqtylady.

Shý aýdandyq soty Qazaqstan Respýblıkasynyń dinı qyzmet jáne dinı birlestikter jónindegi zańnamasyn buzǵan Z.-ǵa qatysty isti qarap, ony QR Ákimshilik quqyq buzýshylyq kodeksiniń 490-babynyń 1-bóliginiń 1-tarmaǵynda qarastyrylǵan ákimshilik quqyqbuzýshylyqty jasady dep tanydy.

Oǵan 50 AEK - 113 450 teńge kóleminde aıyppul salý túrindegi ákimshilik jazasy belgilendi. Aýdandyq «Evangelıe hrıstıan baptısteri» syıyný úıiniń qyzmeti úsh aıǵa toqtatyldy.

Sottyń qaýlysy zańdy kúshine engen joq.

Oblystyq ákimdiktiń málimetterine qaraǵanda, Jambyl oblysynda qyzmet júrgizip otyrǵan 282 dinı birlestiktiń 21-i Evangelıe hrıstıan baptısteriniń shirkeýine tıesili.