Jambyl oblysynda úsh kúnde boryshkerlerden 22,5 mln teńge óndirildi

TARAZ. QazAqparat – Jambyl oblysynyń polıtseıleri boryshkerlerden úsh kúnde memleket kirisine 22,5 mıllıonnan astam teńge óndirip aldy, dep habarlaıdy QazAqparat tilshisi.

Jambyl oblysynyń aýmaǵynda «Boryshker-2020» jedel aldyn alý is-sharasy ótti. Shara salynǵan ákimshilik aıyppuldardy ýaqtyly óteý qajettiligi týraly halyqty habardar etý maqsatyna negizdeldi.

Joldardaǵy reıdter kezinde polıtsııa qyzmetkerleri arnaıy avtokólikterde ornatylǵan «Avtoýragan» júıeleriniń kómegimen tıisti derekter bazasy boıynsha júrgizýshilerdi tekserdi.

«Aıyppuldy qasaqana tólemeýshilerge qatysty QR ÁQBtK-niń 669-baby boıynsha ákimshilik hattamalar jasaldy. Jedel-aldyn alý is-sharasynyń nátıjeleri boıynsha boryshkerlerden óndirip alynǵan somma 22 mıllıon 636 myń teńgeni qurady. Sot oryndaýshylarynyń qaýlylary boıynsha 81 avtokólik quraly arnaıy turaqqa ornalastyryldy», - delingen oblystyq Polıtsııa departamenti baspasóz qyzmetiniń habarlamasynda.

Jambyl oblysynyń Polıtsııa departamenti ákimshilik aıyppul salynǵan jaǵdaıda, jeti táýlik ishinde kórsetilgen somanyń 50 paıyzyn tóleýge bolatynyn, al bul merzim ótip ketse aıyppuldy tolyq kólemde tóleıtinin eske saldy.