Jambyl oblysynda tramadoldyń asa iri partııasy tárkilendi

TARAZ. QazAqparat - Jambyl oblysynda tramadoldyń asa iri partııasy tárkilendi, dep habarlaıdy QazAqparat ІІM-ne silteme jasap.

«Arnaıy is-sharalardyń nátıjesinde Baızaq aýdany Úlgili aýylynyń 53 jastaǵy turǵyny ustaldy.

Kúdiktiniń úıin tintý barysynda onyń bólmesinen 3430 dana «Tramadol», 90 dana «Samnol», 138 dana «Tropıkamıd» tárkilendi. Barlyǵy 3430 tabletka, 514 gr 5 mlgr sıntetıkalyq zattar alyndy», - dep jazdy vedomstvodan.

Qylmystyq Kodekstiń 296-baby 4-bóligimen sotqa deıingi tergep-tekserý amaldary bastaldy.

Ustalǵan adam óz kinásin tolyq moıyndady.

Kúdiktige 3 jyldan 7 jylǵa deıin bas bostandyǵynan aıyrý túrindegi jaza kózdelgen.