Jambyl oblysynda toqtap qalǵan poıyzdar qozǵalysy qalpyna keldi

ASTANA. QazAqparat – Jambyl oblysynda Shyǵanaq-Shý ýchaskesiniń Qııahty-Hantaý aralyǵyndaǵy poıyzdar qozǵalysy qalpyna keltirildi, dep habarlaıdy QazAqparat «Qazaqstan temir jolynyń» baspasóz qyzmetine silteme jasap.

«Búgin, 27 qarasha kúni saǵat 9:07-de Jambyl oblysynyń Shyǵanaq-Shý ýchaskesindegi Qııahty-Hantaý aralyǵynda baılanys jelisinde kerneýdiń bolmaýyna baılanysty jolaýshylar poıyzdary jolda toqtatyldy.

Buǵan deıin bul ýchaskede qatty jel (20 m/s deıin) júk poıyzyndaǵy bos konteınerdi julyp áketken bolatyn. Qulaǵan kezde konteıner baılanys jelisiniń tiregine zaqym keltirdi. Qaza tapqandar men zardap shekkender joq.

Oqıǵa bes jolaýshy men bes júk poıyzynyń kidirisine ákeldi. Toqtatylǵan poıyzdar jolaýshylary oqıǵa týraly habardar etildi. Oqıǵa saldaryn joıý úshin Shý stantsııasynyń jóndeý brıgadasy jiberildi. Saǵat 13:38-de poıyzdardyń qozǵalysy qalpyna keltirildi», - delingen baspasóz málimdemesinde.