Jambyl oblysynda toqtap qalǵan poıyz jolaýshylaryna qansha ótemaqy tólenedi

ASTANA. QazAqparat - Jambyl oblysynda júk poıyzdarynyń relsten shyǵýynan ýaqytsha toqtatylǵan 5 poıyzdyń jolaýshylaryna ótemaqy tólenedi, dep habarlaıdy QazAqparat tilshisi.

Bul týraly "Jolaýshylar tasymaly" AQ bas dırektory Arman Sultanov QTJ bas ǵımaratynda ótken brıfıngte málimdedi.

"QR Investıtsııalar jáne damý mınıstrligi bekitken jolaýshylar men júkti tasymaldaý erejesine sáıkes, jolaýshylarǵa jolda turǵan árbir saǵat úshin bılet qunynyń 3 protsenti tólenedi. Biraq, jalpy ótemaqy bılet qunynan aspaýy tıis", - dedi ol.

Onyń aıtýynsha, apat saldarynan jolda toqtaǵan 5 vagonda 3200 jolaýshy bolǵan. Ázirge olardyń eshqaısysy ótemaqy alýǵa júginbegen.

Ótemaqy alý úshin QTJ AQ bılet kassalaryna barý kerek.

Eske sala ketsek, Saryshaǵan stansasynda júk poıyzdary vagondary (Qashqanteńiz-Jastar aralyǵyndaǵy Moıynty-Shyǵanaq bóliginde kele jatqan №2009 poıyz) relsten shyǵyp ketip, bes jolaýshy poıyzynyń qozǵalysy toqtatylǵan edi. Oqys oqıǵadan zardap shekkender joq.

Vagondardyń relsten shyǵyp ketýine «Istkomtrans» JShS-na tıesili 28-vagonyndaǵy búıir ramasynyń synyp ketýi sebep bolǵan.

Zańǵa sáıkes, barlyq keltirilgen shyǵyndy júk vagonynyń ıesi óteıdi.

«QTJ» UK» AQ-da osy jaǵdaıdy tergeý boıynsha arnaıy komıssııa quryldy.