Jambyl oblysynda terrorızmmen kúres boıynsha barlaýshylar jıyny ótti

ASTANA. QazAqparat -Jambyl oblysy Lýgovoı garnızonynda terrorıstik is-áreketke qarsy daıyndyq boıynsha barlaýshylar bólimsheleriniń jıyny ótti, dep habarlaıdy «QazAqparat» HA tilshisi. 

QR Qorǵanys mınıstrligi habarlaǵandaı, bul is-shara «Ońtústik» óńirlik qolbasshylyǵy áskeriniń 2017 oqý jylyna bekitken jaýyngerlik ázirlik jospary boıynsha ótkizildi.

Barlaýshy bólimsheleriniń áskerı qyzmetkerleri bir aptalyq jıyn barysynda tájirıbe júzinde eldi mekenderde barlaý jumystaryn júrgizýge, zańsyz qarýly qurylymdar tobyn oqshaýlaǵaý jáne joıýǵa, aýmaqty tazalaýǵa úırendi. Sabaqty shynaıy júrgizý úshin paıdalanylmaı turǵan ǵımarattar qoldanyldy.

«Ońtústik» óńirlik qolbasshylyǵy barlaý basqarmasynyń basshylyǵy baǵalaǵandaı, bólimsheler berilgen tapsyrmalardy buljytpaı oryndap, kez kelgen tapsyrmany daıyndaýǵa ázir ekendigin kórsetti.