Jambyl oblysynda taǵy eki aýyl taza aýyz sý tutynatyn boldy
Aǵymdaǵy jyldyń sáýir aıynda qurylysy bastaý alǵan Seńkibaı eldi mekenindegi aýyz sý qubyrynyń merdigeri – «Fortıs» JShS. Jalpy quny 341 mln. 663 myń 321 teńgeni quraǵan.
Sharanyń saltanatty ashylýyna qatysqan aýdan ákiminiń orynbasary Qaırat Ismaıl jergilikti turǵyndardy aıtýly oqıǵamen quttyqtady.
«Taza aýyz sý – densaýlyqtyń kepili ekeni bárińizge belgili. Búginde, aýdan boıynsha segiz eldi mekende osyndaı jumystar júrgizildi. Sonyń tórteýi bıyl aýyz sý júıesine qosylyp, aýdan boıynsha aýyz sýmen qamtylǵan eldi meken sany 24-ke jetip otyr. Bıyl Myrzataı aýyldyq okrýgine 500 mln. teńgeden astam ınvestıtsııa quıylǵan bolsa, sonyń ishinde, 350 mln. teńgeden astam qarjy osy Seńkibaı aýylyna quıyldy. Ol qarajattyń 341 mln. teńgeden astamy aýyz sý qurylysyna bólinse, qalǵan qarjyǵa osyndaǵy úsh kóshege jaryqtandyrý jumystary júrgizildi. Aýyl halqynyń tabysy kóbeıe bersin, búgingi qýanyshtaryńyz qutty bolsyn», — dedi Q. Ismaıl.
Óz kezeginde aýyl turǵyndary atynan aýyldyq ardagerler keńesiniń tóraǵasy Amangeldi Álimbaev, aýyl aǵasy Áýeshan Baıgelov retimen sóz alyp, bıylǵy jylda aýyldyq okrýgtegi oń ózgeristerdi atap shyqty. Aýyl halqyn sapaly aýyz sýmen qamtý isine muryndyq bolǵan oblys, aýdan, aýyldyq okrýg ákimderine shynaıy alǵystaryn jetkizdi. Dástúrge saı, aýyz sý ǵımaratynyń lentasy qıylyp, sý qondyrǵysy iske qosyldy.
Sondaı-aq, bul kúni Jańaturmys aýylyndaǵy sý qabyldaý ımarattary men sý qubyry jelileri de iske qosyldy. Aýyz sý ǵımaratynyń lentasy saltanatty túrde qıylyp, sý qondyrǵysy iske qosyldyn.
Aıta keteıik, eki eldi mekende de jergilikti turǵyndar arasynan «Baızaq Sý» kommýnaldyq memlekettik kásiporny arqyly 3 mashınıst jáne 1 baqylaýshy turaqty jumysqa qabyldanǵan.