Jambyl oblysynda polıtseıler 250-den astam qarý tárkiledi

TARAZ. QazAqparat – Jambyl oblysynyń polıtsııa departamenti qyzmetkerleri zańsyz saqtalǵan qarýlardy izdeý jumystaryn áli de jalǵastyryp jatyr, dep habarlaıdy QazAqparat tilshisi.

«Osy jyldyń birinshi jartyjyldyǵynda polıtsııa qyzmetkerleri 253 birlik qarý, 4431 birlik oq-dári tárkilendi. Atap aıtqanda, 17 avtomat, 70 tapansha, onyń ishinde 10 PM, 147 tegis uńǵyly myltyq, 19 myltyq jáne 15 granata. Alynǵan qarýlardyń ishinde 41 qarý Qańtar oqıǵasy kezinde Jambyl oblysynyń polıtsııa departamenti ǵımaratynan urlanǵan. Barlyq derekter boıynsha sotqa deıingi tergeý amaldary júrgizilip, sot-ballıstıkalyq saraptama taǵaıyndaldy», – dep habarlady Jambyl oblystyq polıtsııa departamenti bastyǵynyń orynbasary polıtsııa polkovnıgi Nurjan Rahmetýllaev.

Sondaı-aq polıtsııa departamenti baspasóz qyzmeti turǵyndarǵa qarý-jaraqtyń, oq-dárilerdiń, arnaıy quraldardyń ornalasqan jeri týraly habarlaǵan nemese olardy polıtsııaǵa óz erkimen tapsyrǵan adam, eger basqa quqyq buzýshylyqtarǵa qatysy bolmasa, qylmystyq jáne ákimshilik jaýapkershilikke tartylmaıtynyn eske saldy.

Aıta keteıik, buǵan deıin Jambyl oblysynda 2,5 tonna esirtki zańsyz aınalymnan shyǵarylǵanyn habarlaǵan bolatynbyz.