Jambyl oblysynda paıdalanýsyz jatqan 73 myń gektardan astam jer qaıtaryldy

TARAZ. QazAqparat – Jambyl oblysynda maqsatty paıdalanylmaǵan 70 myń gektar jer memleket menshigine qaıtaryldy. Bul týraly oblys ákimdiginiń jerlerdi paıdalanýjáne qorǵalýyn baqylaý basqarmasynyń basshysy Tamabek Ábilhaıyr aıtty, dep habarlaıdy QazAqparat tilshisi.

Spıkerdiń sózinshe, jerlerdi qaıtarý jospary 104 paıyzǵa oryndalǵan. Al, memleket menshigine qaıtarylǵan 73 033 gektar jerdiń basym bóligi – jaıylymdyq. ıAǵnı, 67 574 gektar jer mal órgizýge arnalsa, qalǵan 5 459 gektary – egistik alqaptary.

«Jambyl jáne Shý aýdanynda 23 myń gektarǵa jýyq aýyl sharýashylyǵy jerleri zańsyz konkýrsqa shyǵarylǵan. Jer berý boıynsha Jambyl aýdanynda 78, Shý aýdanynda 107 qaýly zańsyz qabyldanǵan. Búgingi kúnge Shý aýdany ákimdigi atalǵan buzýshylyqtardy joıyp, zańsyz berilgen 13 474 gektar jerdi memleketke qaıtarǵan. Onyń 2 670 gektary egistik, 10 804 gektary jaıylymdyq jerler»,-dedi basqarma basshysy.

Tamabek Ábilhaıyrdyń aıtýynsha, oblystyq prokýratýra 4 aýdanǵa tekserý júrgizip, 14,3 myń gektardy quraıtyn jerge qatysty 34 qaýly zańsyz qabyldanǵandyǵyn anyqtaǵan. Ol boıynsha 12 jaýapty laýazymdy tulǵaǵa tártiptik sharalar qoldaný usynylǵan.