Jambyl oblysynda Óner mektebiniń dırektory para aldy dep aıyptaldy

ShÝ. QazAqparat – Jambyl oblysynda Óner mektebiniń dırektory para aldy degen kúdikke ilindi, dep habarlaıdy QazAqparat.

«Jambyl oblysynyń sybaılas jemqorlyqqa qarsy qyzmeti «Shý aýdany ákimdigi bilim bóliminiń Óner mektebi» memlekettik kommýnaldyq qazynalyq mekemesiniń dırektoryna qatysty jemqorlyq qylmys jasady degen kúdik boıynsha sotqa deıingi tergeýdi bastady», - delingen QR Jemqorlyqqa qarsy qyzmetiniń málimetinde.

Bilim mekemesiniń basshysy «Eńbek» nátıjeli jumyspen qamtý jáne jappaı kásipkerlikti damytý memlekettik baǵdarlamasy aıasynda qolóner dıstsıplınasynan sabaq beretin pedagogty jumysqa qabyldaǵany úshin 150 myń teńge kóleminde para aldy dep aıyptalýda.

«Sotqa deıingi tergeý jalǵasyp jatyr. Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady», - dedi vedomstvodan.