Jambyl oblysynda «Nur Otan» partııasynyń ǵımaraty órtendi

TARAZ. QazAqparat - Jambyl oblysy Shý aýdanyndaǵy «Nur Otan» ǵımaratynyń astyńǵy qabaty janyp ketti, dep habarlaıdy QazAqparat tilshisi óńirlik TJD silteme jasap.

«Vedomstvonyń habarlaýy boıynsha, órt aýdandyq «Nur Otan» partııasy ǵımaratynyń birinshi qabatynan shyǵyp, 36 sharshy metr aýmaqty qamtydy. Tilsiz jaý kabınettegi jıhaz ben tehnıkany búldirip, ǵımarat ishi qoıý qara tútinge toldy. Segiz adam qaýipsiz jerge kóshirildi, eshkim zardap shekken joq»,-dep habarlaıdy aýdandyq TJ qyzmeti.

Órtti sóndirýge 11 adam men úsh tehnıka jumyldyrylyp, 10 mınýttyń ishinde tilsiz jaý aýyzdyqtaldy. Órttiń shyǵýyna elektr symdarynyń qysqa tuıyqtalýy sebep bolýy múmkin.