Jambyl oblysynda mýzeıge Túrgesh zamanyndaǵy tıyndar tartý etildi

TARAZ. QazAqparat - Jambyl oblysynyń Baızaq aýdandyq tarıhı-ólketaný mýzeıi Túrgesh qaǵanaty tusyndaǵy kóne tıyndarmen tolyqty, dep jazady QazAqparat tilshisi.

San ǵasyrlyq tarıhy bar qundy jádigerdi mýzeı janashyry Gúlnaz Álimqulova tapsyrǵan.

«Tıyndardyń bir betinde Túrgesh taıpasynyń tańbasy túsirilgen, kelesi betinde sody tilinde jazba túsken. Al qaq ortasynda romb tárizdes tesigi bar. Tarıhqa úńiler bolsaq, mundaı aqshalar VІІІ ǵasyrda Túrgesh qaǵanatynyń bılik qurǵan tusynda Taraz jáne Sýıab aqsha saraılarynda soǵylyp otyrǵan», deıdi Baızaq aýdandyq tarıhı-ólketaný mýzeıiniń qor saqtaýshysy Aıdana Shotbasova.

«Mýzeıge syı» aktsııasy aıasynda tabystalǵan jádiger mýzeıdiń nýmızmatıkalyq kollektsııalar qataryna qosyldy.

Aıta keteıik, buǵan deıin Jambyl oblysy qolónershileriniń buıymdary AQSh-taǵy kórmelerge qoıylǵany týraly jazǵan bolatynbyz