Jambyl oblysynda Qyrǵyzstanda tirkelgen kólikten 10 myltyq tabyldy

NUR-SULTAN. QazAqparat – Jambyl oblysynyń aýmaǵynda Subaru kóliginen tegis uńǵymaly 10 myltyq tabyldy, dep habarlaıdy QazAqparat tilshisi.

«6 qańtar kúni saǵat 23:00-de Jambyl oblysy Qordaı aýdanynyń ortalyǵynda memlekettik tirkeý nómiri joq (kólik Qyrǵyz Respýblıkasyna tirkelgen) aq tústi Subaru markaly kólik toqtatyldy. Kólikti tekserip qaraý barysynda tegis uńǵymaly 10 myltyq tabyldy. Polıtsııaǵa 4 adam jetkizildi», - dep habarlady QR Іshki ister mınıstrliginiń baspasóz qyzmetinen.

Sonymen qatar vedomstvo málimetinshe, dál osy Qordaı aýylynda jańa 26 uıaly telefon men qoraptaǵy basqa da turmystyq zattar tıelgen 2 kólik ustaldy. Eki kúdikti Qordaı aýdandyq polıtsııa bóliminiń ýaqytsha oqshaýlaǵyshyna qamaldy.