Jambyl oblysynda ınternet-alaıaqtyqtyń 301 deregi tirkeldi
Jambyl oblysy Polıtsııa departamentiniń bastyǵy Janat Súleımenov turǵyndarǵa alaıaqtardyń qurbany bolmas úshin qaýipsizdik sharalaryn saqtaýdy eske saldy.
«Búgingi tańda taralý aýqymy krımınogendik statıstıkaǵa aıtarlyqtaı áserin tıgizip jatqan IT-qylmystaryna qarsy kúreske erekshe nazar aýdarylýda. Jyl basynan beri QR Іshki ister
mınıstriniń buıryǵymen bekitilgen aqparattandyrý jáne baılanys salasyndaǵy qylmystarǵa, sondaı-aq aqparattyq tehnologııalardy paıdalana otyryp jasalatyn qylmystarǵa qarsy is-qımyl boıynsha 2021-2022 jyldarǵa arnalǵan baǵdarlama iske asyrylýda», – dep atap ótti ol.
Oblysta 10 aıda ınternet-alaıaqtyqtyń 301 deregi tirkeldi, bul ótken jyldyń osy kezeńimen salystyrǵanda 72 paıyzǵa joǵary.
Polıtsııa qyzmetkerlerimen 44 alaıaq ustaldy, onyń 14-i basqa oblystardyń turǵyndary. TMD aýmaǵynda bizdiń azamattarǵa qatysty ınternet jelisi arqyly 82 alaıaqtyq deregi jasalǵan. Kóbine, mundaı faktiler banktik kartalar men shottardan qarajat urlaýmen, azamattardyń jeke derekterin alaıaqtyq jolmen paıdalanýmen, taýarlardy satý nemese qyzmetterdi kórsetý týraly habarlandyrýlar berýmen, sondaı-aq aqshany paıdaly bızneske salý týraly jarnamalarmen baılanysty oryn alady.
Jambyl oblysynyń Polıtsııa departamenti qoǵamdyq oryndarda, áleýmettik jelilerde jáne buqaralyq aqparat quraldarynda profılaktıkalyq beınerolıkterdi kórsetý arqyly alaıaqtardyń aıla-amaldarynan qorǵanýǵa qatysty aldyn alý jumystaryn udaıy júrgizýde.
Bıyl alaıaqtyq sıpattaǵy 50-ge jýyq habarlandyrý men 115 ınternet-resýrs kózderi anyqtalyp, buǵattaldy.
Sonymen qatar, qazirgi tańda ekinshi deńgeıdegi bankterdiń ókilderimen kıber alaıaqtyqtyń aldyn alý boıynsha birlesken jumystar atqarylýda.
«Alaıaqtardyń barlyq veb-resýrstardy qoldana alatynyn jáne naqty kompanııalardyń saıttarynan ajyratý qıyndyq týǵyzatyn jalǵan paraqshalar júrgizetinin esten shyǵarmańyzdar. Saq bolyńyzdar. Beıtanys adamdarǵa mańyzdy jeke málimetti (jeke
derekterińiz, qupııa sózderińiz jáne PIN-kodtar, bank kartalarynyń CVV-kodtary) bermeńizder», – dep eskertedi Janat Súleımenov.