Jambyl oblysynda et óndirýshilerge 286,7 mln teńge sýbsıdııa tólendi
Bul týraly Óńirlik kommýnıkatsııa qyzmetindegi brıfıng barysynda Jambyl oblysy ákimdiginiń aýyl sharýashylyǵy basqarmasy basshysynyń orynbasary Erkebulan Anabekov habarlady.
Anabekovtyń aıtýynsha, et klasterin qurý maqsatynda osy jyly 53,1 t. et óndirildi, bul ótken jylmen salystyrǵanda, 1,9 paıyzǵa joǵary. Jyl basynan beri et óndirýshilerdi qoldaý maqsatynda 286,7 mln teńge sýbsıdııa tólendi. Et ónimderin damytý maqsatynda sońǵy jyldary 4 bordaqylaý alańy iske qosylyp, 5-jyldyq jospar oryndaldy. Bordaqylaý alańdarynyń syıymdylyǵy - 20 myń bas iri qara mal. Olar zamanaýı jabdyqtarmen jaraqtalǵan. Sondaı-aq etti óndirýdi, qaıta óńdeýdi damytý úshin shetel ınvestorlary tartylýda. Jyl aıaǵyna deıin Merki aýdanynda malaızııalyq ınvestor - «Agrostan Farms» JShS jyldyq qýaty 1400 tonna, 12000 bas tuqymdyq ІQM ósirý úshin et óńdeý keshenin sala bastaıdy, onda syıymdylyǵy 3000 bas bordaqylaý alańy bolady.
«Moıynqum aýdanynda «MoıynqumAgro» JShS 3000 bas syıymdylyqpen bordaqylaý alańy men 10 myń bas tuqymdyq ІQM arnalǵan reprodýktor salýdy josparlaýda (joba quny 1 mlrd teńge). Reseı Federatsııasynan et úshin 1200 bas ІQM satyp alyndy».
Bıyl Merki aýdany «Olja» ShQ men Qordaı aýdanynyń «Medet» jáne «Baı-Nur» ShQ semirtýge 2500 bas bir jyldyq buqa berdi. Jyl basynan bastap 380 tonna sıyr eti eksporttaldy», - dep atap ótti spıker.