Jambyl oblysynda elorda ataýynyń ózgerýine qatysty forým ótti
Forýmda sóz alǵan bastaýysh partııa uıymdarynyń jetekshileri egemendik jyldary elimizdiń damýyna aıryqsha úles qosqan Elbasy esiminiń elordaǵa berilgenin úlken qýanyshpen qabyldaǵandaryn jetkizdi.
«Bizdiń el bolyp, eńse tikteýimizge ózge turmaq, óz ishimizde de senbeýshiler áýel basta kóp boldy. Shyn máninde, sol bir kez kópshiliktiń bolashaqqa kúmánmen qaraǵan kezeńi edi. Sondaı qıyn kezeńnen alyp shyǵyp, búgingideı mamyrajaı zamanǵa jetkizgen Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev ekeni sózsiz», - dedi «Sholaqtaý» bastaýysh partııa uıymynyń tóraǵasy Baǵlan Sultanbek.
Al «Qaratóbe» bastaýysh partııa uıymynyń jetekshisi Móldir Qyryqbaeva óz sózinde: «Memlekettiń negizin qalaýshy tulǵalardyń esimderin el tarıhyna máńgi qaldyrǵan mundaı oqıǵalar álemdik tarıhta jıi kezdesedi. Sondyqtan elimizdiń bas qalasyna táýelsiz Qazaqstannyń negizin qalap qana qoımaı, elimizdi yrys pen yntymaqtyń altyn besigine aınaldyrǵan Tuńǵysh Prezıdent - Elbasynyń esimin berý óte oryndy sheshim ári zańdy qubylys», - dep óziniń oramdy oıyn ortaǵa saldy.
Sonymen qatar, «Degeres» bastaýysh partııa uıymynyń tóraǵasy Raýan Saǵyndyqov elordanyń Nur-Sultan bolyp ózgerýi táýelsiz Qazaqstan ómirindegi tarıhı oqıǵa ekenin, muny jambyldyq bastaýysh partııa uıymdary tarıhı ádilettiliktiń ornaýy retinde baǵalaýda ekenin, shırek ǵasyrdan astam ýaqytta elimizdi álemge tanytqan tulǵanyń kemeńgerligi men danalyǵyna mundaı qurmet kórsetilýi zańdylyq dep qabyldaıtynyn jetkizdi.
Aıta keteıik, atalǵan jıynǵa 100-den asa bastaýysh partııa uıymynyń jetekshileri, partııanyń oblystyq fılıaly Saıası keńesiniń músheleri, partııanyń aýmaqtyq fılıaldary tóraǵalarynyń birinshi orynbasarlary qatysty. Qazirgi kezde oblys boıynsha 350-ge jýyq bastaýysh partııa uıymy bolsa, onda 70 myńǵa jýyq partııa múshesi bar.